上堂玩麵粉 (中種 2)

原本一星期都會手搓三兩次包，但上次搓完白吐司後，對手居然攰左兩日，點知...今次ge紅酒山核桃包都唔好得去邊，麵糰黐手不特止，加埋果乾核桃後，好難搓得勻，手腳冰冷都可以玩到麵糰暖哂。

中種麵包班﹕第一堂﹕小餐包，中種白吐司
第二堂﹕紅酒山核桃包、粟米包
第三堂﹕香蕉杏仁中種包
第四堂﹕意式香草麵包卷

上堂玩麵粉 (中種 1)

上完基礎手搓班，可以報其他進階班囉~~~
今次係 "中種麵包製作"，原本係用機揉麵糰，但唔知點解變左手搓班，第一堂我早左5分鐘到，但已經有四位同學好努力搓緊包，有個已經甩緊麵糰，明明早到變左遲到，拿拿林洗手加入戰團。


從來冇諗過會全人手搓吐司，十成筋實在太恐怖，麵糰又比平日的大，只好全程用雙手甩打，好彩最後成品都唔錯。
今次除左手搓中種白吐司，同時機打左份餐包，老師放毒用貴粉整餐包....

唔記得影全相，得返呢舊蒜蓉包。

中種麵包班﹕
第一堂﹕小餐包，中種白吐司
第二堂﹕紅酒山核桃包、粟米包
第三堂﹕香蕉杏仁中種包
第四堂﹕意式香草麵包卷