杏汁燉雪耳

材料﹕
雪耳       半個
大南杏   100g
北杏       10g
水           800ml
冰糖       70g

做法﹕
1.  雪耳 浸發去蒂，盡量切成幼條狀，加水煮腍；隔起雪耳，雪耳水留用
2.  大南杏、北杏 洗淨 蒸10分鐘，加水攪溶，隔渣；杏汁連同雪耳水不要超過1000ml。
3.  杏汁、雪耳、冰糖 煮滾後放入燉盅，慢火燉 一小時。

第一次包粽 (附紫米甜粽做法)

第一次包粽，首先網上搵左個圖文並茂的食譜，雞手鴨腳咁包左六隻鹹肉粽，但食果陣先知有唔妥，除舊五花腩有少少鹹味，飯同綠豆仁都係淡而無味咁，原食譜只係五花腩有調味，其他都冇落調味，因為係平時睇開的blog，所以冇懷疑過佢的食譜有問題，但一入口就知衰乜，翻睇原食譜三兩次，飯同綠豆仁的確係冇調味，唔係自己睇漏野....

之後搵左另一個食譜，好好多，但我食得淡口，所以調味冇跟足份量
參考食譜﹕
http://www.youtube.com/watch?feature=endscreen&NR=1&v=JnIPx88Bt0E

因為買多左竹葉，所以再整多味紫米甜粽，除左要買紅豆蓉之外，其他都係現有存貨，

材料﹕ 3塊葉包的迷你粽，約8隻
紫米        150g  洗淨浸過夜
白糯米    50g   洗淨浸2小時
紅豆蓉    50g  分成8份
番薯        一個切丁，比蛋黃細少少
糖            適量 (我落左1茶匙)


做法﹕1.    竹葉浸過夜，清洗乾淨後不要抹太乾，竹葉太乾好易爛，只要唔好滴水就ok；
2.    紫米洗淨浸過夜，白糯米 洗淨浸2小時；
3.    紫米加半份糖加水蒸熟，20~30分鐘；
4.    紫米放涼後，加入白糯米及半份糖，撈勻待用；
5.    包粽的方法參考上面條link，先放半湯匙糯米，加入紅豆蓉及番薯，再放一湯匙糯米，包好
6.    放滾水烚1~1.5小時，今次用左真空煲(燜燒鍋)，明火煮20分鐘焗左2個鐘左右。

tips﹕
1.    紫米要預先蒸熟再包，如果只係浸過夜直接用的話，烚到d白糯米太腍時，紫米都仲有d生米，所以要預先蒸熟，之後再烚的時間就同一般白糯米的粽一樣。
2.    調味方面，因為現成紅豆蓉都幾甜，所以糯米就落少左糖，食果陣太淡再加砂糖都ok
3.    如果鍾意多d紅豆蓉，放下番薯後可以再加多份紅豆蓉。

藍莓果醬

材料﹕
藍莓              500g
砂糖              100g
檸檬              一個(搾汁)


做法﹕
1.  藍莓洗淨，一半切粒、一半原粒不用切，加入糖拌勻，放雪櫃醃過夜；
2.  將藍莓連糖水加入檸檬汁，用深鍋慢火煮滾，約煮15分鐘煮至杰身，熄火放涼入樽。


Tips﹕
1.  原食譜糖的比例為1/3，減糖至1/5仍能煮成果醬，再減糖就只能煮成糊狀。
2.  自家製無防腐劑，要放雪櫃儲存。

臘味蒸飯

天冷想吃煲仔飯，但又不喜歡飯焦，可以改做蒸飯，只要水放少一點，一樣可以蒸出乾身的飯，其實蒸飯比煲仔飯更易掌握呢~~


材料﹕
臘腸    一至兩條
膶腸    一條
米        一杯半
水        1又1/4杯

做法﹕
1.  先將臘味用熱水沖洗乾淨，切片待用；
2.  米洗淨後加水，放入臘味，大火蒸10分鐘，轉中火再蒸10分鐘，加入煲仔飯豉油，食得。



TIPS﹕
1.   因為最後會落煲仔飯豉油，所以蒸飯要減少水量，这樣飯就夠乾身。
2.   蒸白飯水量為一比一，不用預先浸米。
3.   煲仔飯豉油做法﹕片糖、生抽、老抽各100g，煮至糖溶便可。

炸薯餅

食完呢份早餐，心情都靚D~~~哈哈

魚翅瓜湯

魚翅瓜湯清甜好味~

黑糖年糕

第一次整年糕，其貌不揚....

以前嫲嫲還在澳門時，年年也會蒸年糕，後悔沒有跟她好好學習，現在想蒸年糕還得在網上找食譜....

蜜汁豬頸肉

材料﹕豬頸肉                 兩塊
            蜜糖                     適量

調味﹕叉燒醬                 兩湯匙
            蠔油                     兩湯匙
            玫瑰露酒/紹酒    兩湯匙
            老抽                     兩茶匙
            麻油                     兩茶匙
            粟粉                     兩茶匙
            生抽                     兩茶匙 (我冇落，改左2湯匙清水)

做法﹕
1.  豬頸肉切走多餘的肥肉，洗淨印乾水，加入調味醃過夜，想更入味可以用叉兩面刺孔。
2.  焗爐預熱200度，烤盤鋪上錫紙，放入豬頸肉加入少許醃肉剩下的汁，焗15分鐘後，每5分鐘搽一次蜜糖並翻面，前後焗30分鐘便可。
3.  切片食得。


TIPS﹕
1.   焗豬頸肉時，若放架上焗，會比較乾身，以及油煙較大；放盤上焗並加入醃肉剩下的汁，這樣豬頸肉就不會乾。
2.   若改用煎，白鑊放肉，中火煎到肉弓起再翻面，翻面後加入少許醃肉汁，蓋上焗一會，煎至有點焦便可加蜜糖，兜兩兜便可盛起。
3.   豬頸肉順紋切，比較滑。