今日北上行街市，見到有堆綠色瓜細細個幾得意咁，睇果蒂就似南瓜，不過都係問下人係乜先，答案都係南瓜---小南瓜，
是關未見過，所以求其揀左個細ge黎試下，承惠人仔$1.6，個瓜8*9cm，好似西柚咁上下大小。
未見過唔知點炮整佢好，肉質爽還是粉都未知，所以忍唔住切開黎睇睇，再決定點整，
切好白雪雪，感覺好生，似乎只係個bb南瓜，聽日當青瓜咁炒左佢算喇
查實以前響內地旅行時，吃過一款小南瓜，肉質淡黃色，入口好似普通大南瓜咁不過嫩d，
我好期待佢係果種架，但切開後明顯唔係果樣野，好失望.....
後記﹕4月1日晚終於煮左黎食，見佢咁嫩口所以冇去皮去籽，就咁切件加埋豆卜淮山黎炒，煮好試食左件，口感同味道都同翠玉瓜差唔多，原來呢個"小南瓜"只係圓型的翠玉瓜，又幾得意喎~~~
去我個BLOG睇睇
回覆刪除人仔$1.6?! 好細個啊 好冇食?
回覆刪除[版主回覆04/01/2012 23:08:41]食左喇，同翠玉瓜差唔多，可以再買~~
[版主回覆03/31/2012 21:16:21]今日冇煮飯，聽日試完話你知呀，唔好咁大期望~~~
我覺得佢直頭就係翠玉瓜唔係南瓜囉, 個樣由內到外十足十鬼佬zucchini, 即係淺綠色翠玉瓜嘅遠親, 同翠玉瓜差唔多樣, 但就係深綠色嘅, 同你呢隻一樣
回覆刪除[版主回覆04/11/2012 17:01:35]係呀，根本就係翠玉瓜~~~
睇似翠玉瓜, 南瓜通常唔會咁細就收, 如果係咁細收有可能係知道佢長唔大先會有呢個情況...不過內地的東西....真係好難講
回覆刪除