四角豆

昨天逛街市發現的，立即半斤回來，切段清炒，滿爽口的~~~

芋絲餅

芋頭1個切絲     約800g

五香粉               1茶匙
鹽                       1茶匙
糖                        少許
麻油                    少許
胡椒粉                少許  
              
生粉                   4湯匙
麵粉                   4湯匙
(若芋絲切得較粗身，粉類粉量要減少，只要每條芋絲都有薄薄的一層粉漿便成)


芋絲切好加入調味(五香粉、鹽、糖、胡椒粉、麻油)，
拌勻得再加入生粉、麵粉，
平鋪入平盤中不用壓實，大火蒸25~30分鐘，趁熱壓實，
放涼後切件煎香即成。




實用小貼士﹕
生芋頭的汁液會令皮膚痕癢，用生薑輕刷便可止癢，至於用火烘，聽聞也立即見效，但我沒興趣試。

翻沙芋

 原來翻沙芋也不是甚麼高難度的東西，只要份量別多，就不會炒至手軟。

半個芋頭切粗條炸熟，砂糖加水煮溶，放蔥粒(可不放)、芋頭離火翻炒至糖漿變回砂糖狀便成。


實用小貼士﹕生芋頭的汁液會令皮膚痕癢，用生薑輕刷便可止癢，至於用火烘，聽聞也立即見效，但我沒興趣試。

洛神花

日前經過筷子基時，發現花婆有新鮮的洛神花，便預留數枝，回家時再取。

原來連枝的洛神花滿重的，我乾脆把花扛在肩上很豪邁地步回家........

將花剪下後就是去核的步驟，先將底部切去一份，戴上工人手套一手拿花，再用筷子從切口捅入，佈滿毛毛的果實就輕易取出，又不影響花型。

清洗好再用鹽拌勻幾次，目的是去寒毛及軟化花萼，待洛神花軟化後，清洗乾淨風乾，再一層冰糖一層花的放入瓶內，數天後便能享用甜美的洛神花蜜餞。

瓜

今日北上行街市，見到有堆綠色瓜細細個幾得意咁，睇果蒂就似南瓜，不過都係問下人係乜先，答案都係南瓜---小南瓜，
是關未見過，所以求其揀左個細ge黎試下，承惠人仔$1.6，個瓜8*9cm，好似西柚咁上下大小。

未見過唔知點炮整佢好，肉質爽還是粉都未知，所以忍唔住切開黎睇睇，再決定點整，
切好白雪雪，感覺好生，似乎只係個bb南瓜，聽日當青瓜咁炒左佢算喇

查實以前響內地旅行時，吃過一款小南瓜，肉質淡黃色，入口好似普通大南瓜咁不過嫩d，
我好期待佢係果種架，但切開後明顯唔係果樣野，好失望.....


後記﹕4月1日晚終於煮左黎食，見佢咁嫩口所以冇去皮去籽，就咁切件加埋豆卜淮山黎炒，煮好試食左件，口感同味道都同翠玉瓜差唔多，原來呢個"小南瓜"只係圓型的翠玉瓜，又幾得意喎~~~

又係情人節晚餐

薯蓉青菜湯﹕味道可以，但薯蓉壓得唔夠蓉，下次都係要用攪拌機先得

青蘋果牛油果沙律﹕只係用左青紅蘋果、奇異果、牛油果、黑提子乾、煉奶、沙律醬、檸檬汁，今次個青蘋果同奇異果都唔怕太酸，牛油果又啱啱好熟，好味~~~

白珍珠蠔﹕好爽甜，本身唔諗住買架，不過又想今晚食豪D，所以買左4隻，呢4隻價錢等同今餐其他菜式連甜品的總價，真係好貴呀....

煙肉雞蛋杯﹕又係一杯OK，一杯差DD，差果杯個底太熟...

雲石紋西冷配翠瓜蘆筍﹕塊扒都幾腍，老公塊6成就煎到啱啱好，我果塊7成就嫌生左DD，我鍾意8成多D....

心太軟﹕加埋士多啤梨同云呢嗱雲糕，呢個配搭都係好唔錯，可以裝得太滿，焗完太高身好難倒"給"落碟
心太軟的朱古力餡份量同原食譜唔同，要加少少奶，咁先夠流心。
原食譜的回覆內有講加幾多奶，自己睇啦~~^^