呢餐豐富得黎又唔麻煩，肉類都係雪肉檔買，提早一晚醃好放雪櫃就得
肥牛唔駛醃，靚牛扒就照平時煎牛扒咁搞
豬頸肉、雞翼、巴西肉眼都係用李錦記韓式醃醬，懶丫嘛~~^^
魷魚鬚、扇貝就用糖、鹽、粟粉、蒜蓉
前菜只係整左涼拌大豆芽，大豆芽甘筍灼熟，過冷河隔水，加糖、鹽/魚露、韓式辣醬撈好再加麻油，雪凍就食得
因為都幾多肉，所以呢餐加左個清清地的金菇豆苗豆腐湯，同埋牛油焗雜菇~~
整體上都算OK，都夠菜食
只係響屋企食韓式燒烤真係幾麻煩，勁大油煙，開哂廚房廁所抽氣，同埋風扇背住個爐吹向窗口
前半油煙都唔算勁，食到最後有人停手，爐面有燶之後突然成屋白哂....
好彩準備功夫做得唔錯，D油煙都好快散
最後要講GE係個爐喇
淘寶買的電陶爐，類似電磁爐GE野，不過瓦煲都用得，煲底唔平都可以~~
個燒烤盤就跟機送的，下層最好加少少水，差唔多乾又要加，咁油煙會少DD
