今日北上行街市，見到有堆綠色瓜細細個幾得意咁，睇果蒂就似南瓜，不過都係問下人係乜先，答案都係南瓜---小南瓜，
是關未見過，所以求其揀左個細ge黎試下，承惠人仔$1.6，個瓜8*9cm，好似西柚咁上下大小。
未見過唔知點炮整佢好，肉質爽還是粉都未知，所以忍唔住切開黎睇睇，再決定點整，
切好白雪雪，感覺好生，似乎只係個bb南瓜，聽日當青瓜咁炒左佢算喇
查實以前響內地旅行時，吃過一款小南瓜，肉質淡黃色，入口好似普通大南瓜咁不過嫩d，
我好期待佢係果種架，但切開後明顯唔係果樣野，好失望.....
後記﹕4月1日晚終於煮左黎食，見佢咁嫩口所以冇去皮去籽，就咁切件加埋豆卜淮山黎炒，煮好試食左件，口感同味道都同翠玉瓜差唔多，原來呢個"小南瓜"只係圓型的翠玉瓜，又幾得意喎~~~
