豆瓣肉碎燜茄子

最近總愛到超市買現成已調好味的肉碎，原因......懶....XD
只要用少少油爆香辣豆瓣醬，加入肉碎炒至半熟，再放入預先蒸好的茄子，隨便翻炒幾下，加點水燜一會，再用粟粉水打茨，一道簡單的小菜就完成了。

茄子﹕2條。滾刀切，大火蒸五至十分鐘，喜歡腍就蒸多會。
肉碎﹕150克肉碎，調味。
豆瓣醬﹕2茶匙。

蛋白杏仁露

材料﹕2~4人份量，約4碗。
大南杏  100g
北杏      20g
米          30g
水          1L
冰糖      50g 
蛋白      4個(不用打散)

做法﹕
1.   米洗淨後，用水浸過夜，記得放雪櫃。浸過夜後連水攪蓉，要攪幾次再隔渣。
2.  大南杏、北杏 洗淨 蒸10分鐘，加水攪蓉，隔渣。
3.   加入冰糖用大火煮滾，轉細火等泡散去。逐少加入米水
4. 再加入蛋白，輕攪兩下，熄火等食。

tips﹕
1.   北杏有毒，每人每日最多只可食用9克。
2.   一定要用大鍋煮滾，記得睇火，煮杏仁露同煮豆漿一樣，會有好多泡，所以一定要用大鍋。
3.   杏仁渣可以用作磨砂洗臉，如果怕過敏可以加入少許鹽，加入蜜糖就更加滋潤。
4.   懶人做法，米可以用粘米粉代替，要加水。